काठमाडौं–नयाँ वर्ष २०८० लाई लक्षित गर्दै जम्बो इको भेहिकल प्रा. लि. ले नयाँ वर्ष अफरमा नगद छुटसहित अनौठो उपहार योजना ल्याएको छ । नेपाली अटोमोबाइल क्षेत्रमै सम्भवतः पहिलो पटक इलेक्ट्रिक स्कुटरको खरिदमा दोहोर हेलमेट अर्थात दुई ओटा हेलमेट उपहार योजना सहित स्किम ल्याएको हो ।
नगद छुटले ग्राहकलाई स्कुटर खरिद गर्न आर्कषित गरेता पनि सुरक्षालाई समेत महत्व दिएर यस पटक लेबिनिङ्ग र एम डि के ए ब्राण्डका इलेक्ट्रिक स्कुटरका आयातकर्ता जम्बो इको भेहिकलले नगद छुट २५००० रुपैयाँसहित अनौठो योजना ल्याएको हो ।
भक्तपुरको लोकन्थली मल्टिब्राण्ड शो रुममा कंम्पनीले लेबिनीङ्ग, एम्डिकेए, ब्राभो, अरोमा, टेल्जी र स्लोङ्ग ब्राण्डका इलेक्ट्रिक स्कुटर तथा इ–साइकल बिक्री वितरण गर्दै आएको छ ।
सेल्स, सर्भिस तथा स्पेयर्स सबैको एकै स्थानमा उचित व्यवस्था भएकाले ग्राहकले बिक्री पश्चात् सर्भिसमा समेत पर्याप्त सुविधा पाउने कम्पनीले जनाएको छ ।
हाल जम्बो इको भेहिकलले ३००० बाटसम्मको मोटर भएका, ७२ भोल्ट सम्मका इलेक्ट्रिकल स्कुटर तथा ई.साइकलहरु बिक्री वितरण गदै आएको छ जसका मुल्य ७०,००० रुपैयाँबाट सुरु हुने गरेका छन् ।
