काठमाडौं– ब्वाइज युनाइटेडको प्रशिक्षकमा बालगोपाल महर्जन नियुक्त भएका छन् ।
बी डिभिजनको च्याम्पियन बनेर हाल पहिलो पटक शहीद स्मारक ए डिभिजन लिग खेलिरहेका चर्च ब्वाइजले लिगको बीचमा बुधबार महर्जनलाई प्रशिक्षकमा नियुक्त गरेको हो ।
चर्च ब्वाइजले सामाजिक सञ्जाल फेसबुकमार्फत महर्जनलाई प्रशिक्षक बनाएको जनाएको छ ।
यसअघि नेपाली मूलका अमेरिकी प्रदिप हुमागाईँलाई चर्च ब्वाइजले मुख्य प्रशिक्षक नियुक्त गरेको थियो ।
तर वर्क परमिट नपाएपछि हुमागाईँले क्लब छाडेका छन् । हुमागाईँले छाडेपछि महर्जनलाई प्रशिक्षक नियुक्त गरिएको क्लबले जनाएको छ ।
ए डिभिजनको डेब्यु सिजनमा उत्कृष्ट प्रदर्शन गरिरहेको चर्च ब्वाइज ३ जित र ४ बराबरीबाट १३ अंक जोड्दै अंकतालिकामा तेस्रो स्थानमा छ ।
बिहीबार दशरथ रंगशालमा हुने फ्रेण्ड्स क्लब विरुद्धको खेलबाट बालगोपाल महर्जनले चर्च ब्वाइजको प्रशिक्षण सम्हाल्नेछन् ।
महर्जनले यसअघि थ्रीस्टार र मनाङ मर्स्याङ्दीको प्रशिक्षकको रुपमा काम गरिसकेका छन् भने फ्रेण्ड्सको टेक्निकल कमिटीमा रहेर काम गरेका थिए ।
