काठमाडौँ– नेकपा (एमाले)का अध्यक्ष केपी शर्मा ओलीले आफू अस्वस्थ रहेको जानकारी दिएपछि आज बस्ने तय भएको शीर्ष नेताहरूको बैठक स्थगित भएको छ ।
संसद्मा रहेका विचाराधीन विधेयक, संसदीय समिति गठन लगायतका विषयमा छलफल गर्न भनेर आज बस्ने भनिएको शीर्ष नेताहरूको बैठक ओलीले अस्वस्थ भएको जानकारी दिएपछि दिउँसो १ बजेका लागि तय भएको बैठडक स्थगित भएको एक नेताले बताए ।
प्रधानमन्त्रीसमेत तथा नेकपा (माओवादी केन्द्र)का अध्यक्ष पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा र एमालेका अध्यक्ष ओलीबीच बैठडक बस्ने तय भएको थियो । यसअघि सभामुख देवराज घिमिरेको पहलमा यी ३ नेतचाबीच २ पटक छलफल भइसकेको छ ।
पूर्वप्रधानमन्त्रीसमेत रहेका ओली मिर्गौलाका बिरामी छन् । उनको दुईपटक मिर्गौला प्रत्यारोपण सफल भइसकेको छ । यद्यपि, उनलाई के भएको हो भन्ने चाहिँ खुलेको छैन ।
प्रकाशित मिति: शुक्रबार, वैशाख १, २०८० १२:२८
प्रतिक्रिया दिनुहोस्
