काठमाडौं –प्रधानमन्त्री पुष्पकमल दाहालले आइतबार आठौं पटक मन्त्रिपरिषद् विस्तार गरेका छन् । मन्त्रिपरिषद विस्तार गर्दै प्रधानमन्त्रीले परराष्ट्रमन्त्रीमा नेपाली कांग्रेसका एनपी साउदलाई नियुक्त गरेका छन् ।
आइतबार राष्ट्रपति भवन शीतल निवासमा आयोजित समारोहमा राष्ट्रपति रामचन्द्र पौडेलले मन्त्री साउदलाई पद तथा गोपनीयताको शपथ गराएका हुन् ।
यस्तै, नेकपा (एकीकृत समाजवादी) की नेत्री नन्दा चपाई परराष्ट्र राज्यमन्त्री नियुक्त भएकी छन् ।
चपाइलाई प्रधानमन्त्री दाहालले सोही समारोहमा पद तथा गोपनीताको शपथ ग्रहण गराए ।
प्रधानमन्त्री प्रचण्डले यसअघि चैत १७ गते मन्त्रिपरिषद् विस्तार गरेका थिए । अझै पाँच मन्त्रालयको जिम्मेवारी प्रधानमन्त्री प्रचण्डको काँधमा छ ।
प्रकाशित मिति: आइतबार, वैशाख ३, २०८० १५:५५
प्रतिक्रिया दिनुहोस्
