काठमाडौं –गायक सुजन चापागाईंको नयाँ गीत ‘फूलथुंगे रानी’ युट्युव च्यानलमा आइतबार सार्वजनिक भएको छ । गीतकार हर्क साउदको शब्द रहेको गीतको स्थायी छ ।
‘तीनपाते’देखि चर्चामा आएका सुजनका ‘लजाएर’, ‘गाला पुक्क’, ‘घुमी घुमी’, ‘मिलेको जीउ छिनेको कम्मर’, ‘बाफ’ लगायत अधिकांश गीत चर्चित छन् ।
फूलथुंगे रानीलाई कुशल सिंहले एरेन्ज गरेका छन् । गीतको भिडियोलाई आर्टमान्डुले निर्माण गरेको छ । म्युजिकल फिल्ममार्फत् कथा भन्ने आर्टमान्डुले प्रस्तुतिमा यसपटक फरक शैली अपनाएको छ ।
आर्टमान्डुको यो म्युजिकल फिल्मको निर्देशन टिममा नवीनसंगै सुरज कटुवाल पनि रहेका छन् ।
भिडियोमा एलेक्स विश्वकर्मा र विभूति सिटौलाको अभिनय छ । दुवैले यही म्युजिकल फिल्ममार्फत् अभिनयमा डेब्यू गरेका छन् ।
फूलथुंगे रानीलाई आर्टमान्डुले अस्कर अन्तर्राष्ट्रिय कलेजका विद्यार्थीसंग सहकार्यमार्फत् निर्माण गरेको हो ।
