काठमाडौँ– युरोपिययन च्याम्पिन्स लिग फुटबलको इटालियन डर्बीमा एसी मिलानले बाजी मारेको छ ।
क्वार्टरफाइनलमा नापोलीलाई हराउँदै मिलान सेमिफाइनलमा प्रवेश गरेको छ ।
गएराति भएको क्वार्टरफाइनलको दोस्रो लेगमा नापोलीसँग १–१ गोलको बराबरीमा रोकिए पनि मिलान समग्रमा २–१ को जितसहित अन्तिम ४ मा पुगेको हो ।
घरेलु मैदानमा भएको पहिलो लेगमा मिलानले १–० गोलको जित निकालेको थियो ।
यी २ इटालियन क्लबबीचको खेल निकै रोमाञ्चक भएको थियो ।
खेलको ४३ औं मिनेटमा ओलिभर जिरुडले गोल गर्दै मिलानलाई अग्रता दिलाएका थिए ।
त्यसअघि खेलको २२ औं मिनेटमा जिरुडले पेनाल्टी गुमाएका थिए । उनको प्रहार नापोलीका गोलकिपर एलेक्स मेरेटले रोकेका थिए ।
खेलको ८२ औं मिनेटमा नापोलीले पनि कथा होरोर्याउँदै पेनाल्टीको अवसर खेर फाल्यो । कभिचा कभाराकेस्लियाले बाहिर प्रहार गरे ।
त्यसपछि खेलको इन्जुरी समयमा भिक्टर ओसिमहेनले गोल गर्दै नापोलीलाई १–१ को बराबरीमा ल्याए । तर, सेमिफाइनलमा पुग्नका लागि यो पर्याप्त भएन ।
अब ७ पटकको विजेता मिलानको भेट इटालीकै क्बब इन्टर मिलान र पोर्चुगिज क्लब बेन्फिकाको विजेतासँग हुनेछ ।
गएराति नै भएको अर्को खेलमा साविक विजेतासमेत रहेको स्पेनिस क्लब रियल म्याड्रिड सेमिफाइलमा प्रवेश गरेको छ । सर्वाधिक १४ पटकको विजेता रियलले २ पटकको विजेता इंग्लिस क्लब चेल्सीलाई हराएको हो ।
