काठमाडौं–त्रिभुवन अन्तर्राष्ट्रिय विमानस्थल बुधबार ६ घण्टा बन्द रहने भएको छ ।
विमानस्थल कार्यालयले मंगलबार सूचना प्रकाशित गर्दै वैशाख ७ गते १ दिन बिहान १ बजेदेखि ७ बजेसम्म विमानस्थलमा आन्तरिक तथा अन्तर्राष्ट्रिय तर्फ उडान तथा अवतरण बन्द रहने जनाएको छ ।
विमानस्थलमा यात्रुहरूको सुरक्षामा थप अभिवृद्धि गर्ने उद्देश्यले विद्युत आपूर्ति प्रणालीलाई थप सुदृढीकरण गर्ने सिलसिलामा अनलाइन यूपीएस जडान कार्य जारी रहेको र सोही क्रममा विमानस्थल भित्रको विद्युत आपूर्ति अवरुद्ध हुने भएकोले उडान अवतरण बन्द रहने सूचनामा जनाइएको छ ।
सो समयमा यात्रा गर्ने यात्रुहरुले सम्वन्धित एयरलाइन्ससँग सम्पर्क गरी आवश्यकता अनुसारको व्यवस्था मिलाउन पनि विमानस्थलले आग्रह गरेको छ ।
प्रकाशित मिति: बुधबार, वैशाख ६, २०८० ११:५६
प्रतिक्रिया दिनुहोस्
