काठमाडौँ –एसिसी प्रिमियर कप क्रिकेट अन्तर्गत बिहीबार टियू मैदान कीर्तिपुरमा भएको खेलमा बहराइनले सिंगापुरमाथि फराकिलो जित निकाल्दै प्रतियोगितामा सुखद सुरुवात गरेको छ । समूह ‘बी’ अन्तर्गत भएको आफ्नो पहिलो खेलमा बहराइनले सिंगापुरमाथि १३२ रनको फराकिलो जित निकालेको हो।
टस जितेर पहिले ब्याटिङ गरेको बहराइनले निर्धारित ५० ओभरमा ८ विकेट गुमाएर २ सय ८६ रन बनाएको थियो । जवाफमा सिंगापुर ४३.१ ओभरमा अलआउट हुँदै १ सय ५४ रनमा समेटियो ।
सिंगापुरको यो लगातार दोस्रो हार हो । यसअघि हङकङ्गसँग ८ विकेटले पराजित भएको थियो । प्रतियोगिताको फाइनल जित्ने टिमले आगामी सेप्टेम्बरमा हुने एसिया कप खेल्ने छ । त्यस्तै शीर्ष तीनमा रहने टोली एसीसी ईमर्जिङ कपका लागि छनोट हुनेछ ।
प्रकाशित मिति: बिहीबार, वैशाख ७, २०८० १८:१६
प्रतिक्रिया दिनुहोस्
