काठमाडौँ– भारतकी राष्ट्रपति द्रौपदी मुर्मूले आफ्नो देशको राजधानी नयाँ दिल्लीमा उपचारार्थ रहेका राष्ट्रपति रामचन्द्र पौडेलको शीघ्र स्वास्थ्यलाभको कामना गरेकी छिन् ।
भारतीय राष्ट्रपति मुर्मूले बिहीबार राति स्वास्थ्यलाभको कामना गर्दै पठाएको सन्देश प्राप्त भएको नयाँ दिल्लीस्थित नेपाली दूतावासले जनाएको छ । राष्ट्रपति पौडेल उपचारका लागि बुधबार भारत प्रस्थान गरेका छन् ।
उनको स्वास्थ्य परीक्षण तथा उपचार नयाँ दिल्लीस्थित अखिल भारतीय आयुर्विज्ञान संस्थानमा बुधबारदेखि भइरहेको दूतावासले जनाएको छ ।
उपचारमा संलग्न चिकित्सकहरूका अनुसार राष्ट्रपति पौडेलको स्वास्थ्य अवस्थामा सुधार हुँदै गएको छ ।
प्रकाशित मिति: शुक्रबार, वैशाख ८, २०८० ०६:४९
प्रतिक्रिया दिनुहोस्
