काठमाडौं– बैशाख १० गते हुने उपनर्वाचनको दिन मनकामना केबलकारको सेवा बन्द रहने भएको छ ।
उक्त दिन चितवन क्षेत्र नं २ मा प्रतिनिधिसभा सदस्य उपनिर्वाचन हुन लागेकाले सेवा बन्द गर्न लागिएको हो ।
जिल्लाको कुरिनटारबाट गोरखा जिल्लाको प्रसिद्ध शक्तिपीठ जाने मनकामना केबलबार मतदानको दिन सञ्चालन हुदाँ भिड बढ्ने र सुरक्षा संवेदनशिल बढ्ने हुदाँ उक्त दिन बन्द रहने मनकामना दर्शन प्रा.लि.ले जनाएको छ ।
उपनिर्वाचनलाई लक्षित गरी केबलकार सेवा बन्द गर्न जिल्ला प्रशासन कार्यालय चितवनले गरेको आग्रहअनुसार सेवा बन्द गर्न लागिएको हो । बैशाख ११ गतेदेखि पुनः सञ्चालन हुने प्रालिले जनाएको छ ।
प्रकाशित मिति: शुक्रबार, वैशाख ८, २०८० १३:३३
प्रतिक्रिया दिनुहोस्
