काठमाडौँ– आज दिउँसो कोसी प्रदेश लगायत बाँकी प्रदेशका पहाडी भू–भागमा आंशिकदेखि सामान्यतया बदली रही बाँकी भागमा आंशिक बदलीदेखि मौसम सामान्यतया सफा रहने मौसम पूर्वानुमान महाशाखाले जनाएको छ ।

कोसी प्रदेशलगायत बाँकी प्रदेशका पहाडी भू–भागका थोरै स्थानमा मेघ गर्जन-चट्याङसहित हल्का-क्षणिक वर्षाको  सम्भावना रहेको छ । अपरान्हपछि पश्चिम तराईका थोरै स्थानहरूमा हावा–हुरीको सम्भावना रहेको छ ।

‘यस्तै राति कोसी प्रदेशलगायत अन्य प्रदेशका पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहने छ। देशका पहाडी भू–भागका एक–दुई स्थानमा मेघ गर्जनचट्याङसहित हल्का-क्षणिक वर्षाको सम्भावना रहेको छ,’ महाशाखाले आज बिहान जारी गरेको विज्ञप्तिमा भनिएको छ ।