काठमाडौँ– यही वैशाख २० गते नेपालगञ्जमा पूर्वराजा ज्ञानेन्द्र शाहको नागरिक अभिनन्दन हुने भएको छ ।
बैशाख २० गते दिउँसो ३ बजे नेपालगञ्जको रामलीला मैदानमा राजा ज्ञानेन्द्रको नागरिक अभिनन्दन हुने राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष रवीन्द्र मिश्रले जानकारी दिए ।
साथै, उनले मध्यपश्चिम, सूदुरपश्चिम र कर्णाली क्षेत्रका केही जिल्लाको पनि भ्रमण गर्ने मिश्रले सामाजिक सञ्जालमार्फत् जानकारी दिए ।
‘वैशाख २० गते दिउँसो ३ बजे नेपालगञ्जको रामलीला मैदानमा राजा ज्ञानेन्द्रको नागरिक अभिनन्दन ! सँगसँगै, मध्यपश्चिम, सूदुरपश्चिम र कर्णाली क्षेत्रका केही जिल्लाको भ्रमण,’ उनले फेसबुकमा लेखेका छन्, ‘यो देशमा जनता, राजा र राजनीतिक दलहरूले एक आपसका अनेक कमजोरीप्रति क्षमाशील हुँदै पुनः सहअस्तित्व र सहकार्यको बाटोमा नजाने हो भने, यो देशले अझै धेरै दुख पाउनेछ र संभवतः गम्भीर संकटमा फस्नेछ ।’
