काठमाडौं –अमेरिकी विदेशमन्त्री एन्टोनी ब्लिन्केनले सुडानका युद्धरत पक्षहरू सोमबार मध्यरातबाट ७२ घण्टाको युद्धविरामका लागि सहमत भएको बताएका छन् ।
यसमहिना चर्किएको युद्धपछि घोषणा गरिएको यो तेस्रो पटकको युद्धविराम हो । तर, यसअघिका घोषणा पनि पालना भने भएको छैन ।
ब्लिन्केनले सेना र अर्धसैनिक र्यापिड सपोर्ट फोर्स (आरएसएफ) बीच ४८ घण्टाको वार्तापछि सम्झौता भएको बताएका छन् । दुवै पक्षले अलगअलग रूपमा युद्धविरामको पालना गरेको बताएका छन् ।
अप्रिल १५ देखि जारी द्वन्द्वमा कम्तिमा चार सयजनाको मृत्यु भइसकेको छ ।
संयुक्त राष्ट्रसंघका महासचिव एन्टोनियो गुटेर्रेसले सुडानमा भएको हिंसाले यस बाहिरका क्षेत्रका लागि विपत्तिजनक स्थिति निम्त्याउने खतरा रहेको चेतावनी दिएका छन् ।
प्रकाशित मिति: मंगलबार, वैशाख १२, २०८० ११:२९
प्रतिक्रिया दिनुहोस्
