मतपेटिका राखेको कोठाको साँचो बोकेर प्रतिनिधि नै भागेपछि बारा २ मा मतगणना स्थगित
काठमाडौँ– बारा २ को मतगणना स्थगित भएको छ । जनमत पार्टीका प्रतिनिधि मतपेटिका राखेको कोठाको साँचो बोकेर भागेपछि मतगणना रोकिएको हो ।
प्रतिनिधि बोलाउन निर्वाचन कार्यालय अगाडि माइकिङ भइरहेको छ ।
बारा २ मा जनता समाजवादी पार्टीका अध्यक्ष उपेन्द्र यादवले अग्रता बढाउँदै लगेका छन् ।
उनले जनमत पार्टीका उम्मेदवार शिवचन्द्र कुशवाहमाथि अग्रता बढाउँदै लगेका हुन् ।
यादवले १३ हजार ८०४ मत ल्याउँदा कुशवाहले ९ हजार २३१ मत पाएका छन् । कुशवाहभन्दा यादव ४ हजारभन्दा बढी मतले अघि छन् ।
प्रकाशित मिति: मंगलबार, वैशाख १२, २०८० १२:०६
प्रतिक्रिया दिनुहोस्
-1700641611.jpg "उपनिर्वाचन हुने स्थानीय तहमा सार्वजनिक बिदा दिइने")