काठमाडौँ– डाबर वाटिका मिस नेपाल २०२३ को प्रतिस्पर्धामा रहेका २४ प्रतियोगीले काभ्रेपलाञ्चोकको बनेपास्थित डाबर नेपाल नर्सरीको अवलोकन भ्रमण गरेका छन् ।
भ्रमणमा प्रतियोगीहरूले विभित्र वातावरणीय समस्या एवम् उक्त समस्या सम्बोधन गर्न डाबर नेपालको संरक्षण प्रयासको बारेमा जानकारी लिएको डाबर नेपालले जनाएको छ ।
सहभागीहरुले विश्व स्तरीय हरितगृह सुविधाको पनि निरीक्षण गरेका थिए । डाबर नेपालले दुर्लभ र लोपोन्मुख जडिबुटीको संरक्षण गर्दै आएको र यी जडिबुटी डाबरका विभित्र उत्पादनमा पनि प्रयोग गर्दै आएको छ ।
डाबर नेपालका मार्केटिङ प्रमुख अभय गोर्खालीले प्रकृति र प्राकृतिक प्रजातिको संरक्षणका लागि यी युवाहरुलाई परिचय गराउन पाएकोमा खुसी लागेको बताए ।
डाबरले आयुर्वेदको क्षेत्रमा एक शताब्दीभन्दा बढी काम गरिसकेको र यसको ज्ञानबाट विश्वभर जडीबुटी, स्वास्थ्य, सौन्दर्य र ब्राण्डहरुको उत्पादन र बजारीकरण गर्दै आएकोबारे सहभागीहरूलाई गोर्खालीले जानकारी गराएका थिए ।
‘आजका युवाहरू भोलिका कर्णधार हुन् । हामीलाई विश्वास छ प्रतियोगीहरुलाई यस प्रकारको एक्सपोजरबाट उनीहरूले वातावरण र समाजमा सकारात्मक रूपमा योगदान गर्न सक्षम हुने छन् भन्ने हामीलाई विशवास छ,’ उनले भने ।
डाबर नेपालका मेडिसिनल प्लान्टका प्रमुख अरविन्द राणाले दुर्लभ र लोपोन्मुख जडिबुटीको खेती गर्ने प्राविधिक ज्ञान बाँड्दै सोको प्रणालीको संरक्षणमा कम्पनीको योगदान रहेकोमा जोड दिए ।
राणाका अनुसार डाबर नेपालको बनेपामा अत्याधुनिक प्रविधिसहितको विश्व स्तरीय हरितगृह रहेको छ । जसले नेपालको २४ वटा जिल्लामा संकटग्रस्त प्रजातिको प्रवद्र्घन र खेती गर्दछ र ५० वटा सहकारी मार्फत जडीबुटी खेती गरी किसानहरूको जीविकोपार्जनलाई वैकल्पिक स्रोतको रूपान्तरण दिएको छ ।
उपभोक्ताहरुलाई उत्कृष्ट प्राकृतिक हेयरकेयर को सोलुषण उपलब्ध गराउने डाबरको निरन्तर प्रतिबद्धताको परिणामस्वरुप, डाबर नेपालले २०२२ मा डाबर वाटिका नेचुरल्स स्याम्पु बजारमा ल्याएको थियो ।
डाबर वाटिका नेचुरल्स स्याम्पु यस वर्षको मिस नेपाल प्रतियोगिताको प्रमुख प्रायोजक हो । डाबर वाटिका मिस नेपाल २०२३ को ग्राण्ड फिनाले मे २७, २०२३ मा गोदावरीस्थित सनराइज अडिटोरियममा आयोजना हुनेछ ।
