काठमाडौँ– नेपाल र इटालीबीचको व्यापारको छाता संगठन नेपाल–इटाली चेम्बर अफ कमर्स एण्ड इन्डस्ट्री (एनआइसिसिआई)ले नयाँ कार्यसमिति चयन गरेको छ ।
एनआइसिसिआईले यही वैशाख १३ गते अध्यक्ष सञ्जय अग्रवालको संयोजकत्वमा नयाँ कार्यसमितिको बैठक सम्पन्न गर्दै नयाँ समिति चयन गरेको हो ।
उक्त कार्यसमितिको बैठकले चेम्बरको उपाध्यक्षमा रुपक राजवंशीलाई चयन गरेको छ ।
बैठकले चेम्बरको गतिविधिलाई प्रभावकारी बनाउन चारवटा समसामयिक समिति पनि गठन गरेको छ । उद्योग तथा लगानी प्रवर्द्धन समितिमा विनोद सगंतानी, पर्यटन प्रवद्र्धन समितिमा सारिक बोगटी, सामाजिक, शैक्षिक, सांस्कृतिक तथा खेलकुद समितिमा किशोर भट्टराई र व्यापार समितिमा सुभाषविक्रम शाह निर्वाचित भएका छन् ।
नवनिर्वाचित समितिले नेपाल र इटालीबीचको विद्यमान व्यापार, पर्यटन, सूचना प्रविधि र व्यापारलाई थप विस्तार गर्दै दुई देशबीचको सम्बन्धलाई थप प्रगाढ बनाउने प्रतिबद्धता जनाएको छ ।
एनआइसिसिआई इटालीसँग व्यापार सम्बन्ध राख्ने नेपाली व्यवसायी तथा उद्योगीहरुको द्विराष्ट्रिय संस्था भएकाले र नेपालसँग व्यापार गर्ने इटालियन व्यवसायीहरूको संगठन भएकोले एनआइसिसिआईको मुख्य उद्देश्य इटालियन संयुक्त लगानी नेपाल र इटालीबीचको आर्थिक सम्बन्धलाई प्रवद्र्धन गर्नु भएको एनआइसिसिआईले जनाएको छ ।
नेपाल इटली चेम्बरमार्फत द्विपक्षीय व्यापार अभिवृद्धिसँगै नेपालमा इटालीबाट लगानी भित्र्याउने तथा नेपालमा इटलीका पर्यटकको संख्या बढाउन अभिप्राय रहिआएको एनआइसिसिआईले जनाएको छ ।
