सुर्खेत– कर्णाली प्रदेशका मुख्यमन्त्री राजकुमार शर्माले विश्वासको मत पाएका छन् ।
शुक्रबार कर्णाली प्रदेशसभा बैठकमा मुख्यमन्त्री शर्माले विश्वासको मत पाएका हुन् ।
शर्माको विश्वासको पक्षमा २९ जना सांसद मत दिएका छन् भने विश्वासको मतको विपक्षमा १० सांसदले मत दिएका छन् । यससँगै मुख्य मन्त्री शर्माले तेस्रोपटक विश्वासको मत प्राप्त गरेका छन् ।
गत २७ चैत्रमा नेकपा एमालेले समर्थन फिर्ता लिएपछि शर्माले गत आइतबार प्रदेशसभामा विश्वासको मत लिनेसम्बन्धी पत्र दर्ता गराएका थिए ।
शर्मालाई माओवादी, कांग्रेस, समाजवादी र स्वतन्त्र सांसदले साथ दिए भने एमाले र राप्रपाले बिपक्षमा मत दिएको थियो ।
शर्माले यसअघि ६ माघमा पहिलो पटक र १७ चैत्रमा दोस्रो पटक विश्वासको मत लिएका थिए । त्यस बेला नेकपा एमाले, कांग्रेस, समाजवादी र स्वतन्त्र सांसदको मत पाएका थिए । तर, राष्ट्रिय राजनीतिमा कांग्रेससँग सत्ता सहकार्य गरेर अघि बढिरहेको अवस्थामा प्रदेशमा पनि त्यही लागू हुने भए पनि २७ चैत्रमा एमालेले समर्थन फिर्ता लिएको थियो ।
