नेपालले दियो कुवेतलाई २८२ रनको विशाल लक्ष्य
काठमाडौँ– एसिसी प्रिमियर लिगको सेमिफाइनलअन्तर्गत जारी खेलमा नेपालले कुवेतलाई २८२ रनको विशाल लक्ष्य दिएको छ ।
वर्षाको कारण ४२ ओभरमा छोट्याइएको खेलमा नेपालले पूरै ओभर खेल्दै ९ विकेट गुमाएर २८१ रन बनाएको छ ।
नेपालका कप्तान रोहित पौडैल शतक बनाउनबाट ६ रनले चुकेका छन् ।
९४ रन बनाएपछि छक्का प्रहार गर्दै शतक बनाउने प्रयास गर्दा उनी क्याच आउट भएका थिए । उनले ९५ बल खेलेका थिए ।
यसअघि रोहितले ५६ बलमा ५० रन बनाउँदै अर्धशतक पूरा गरेका थिए ।
यस्तै कुशल मल्लले ४२ बलमा ५१ रन बनाउँदै अर्धशतक बनाएका थिए । उनी पछि ४४ बलमा ५७ रन बनाएर आउट भए ।
यसैगरी ओपनर कुशल भुर्तेलले ३९ बलमा ४३ तथा अर्का ओपनर आसिफल शेखले २८ बलमा ३१ रन बनाए ।
त्यस्तै आरिफ शेखले १९ बलमा १९ रन बनाउँदा सोमपाल कामीले अविजित ११ बलमा १३ रन जोडेका थिए ।
त्यसैगरी करण केसीले ६ बलमा ७, सन्दीप लामिछानेले ४ बलमा ५, ललित राजबंशीले १ बलमा अविजित २ तथा भीम सार्कीले ४ बलमा १ रन बनाए ।
दीपेन्द्रसिंह ऐरी भने शून्य रनमा आउट भए ।
२३.२ ओभरमा नेपालले ३ विकेट गुमाएर १४१ रन बनाएको अवस्थामा वर्षाले खेल रोकिएको थियो ।
एक घण्टाभन्दा बढी समय वर्षाका कारण खेल रोकिएपछि खेल ४५ ओभरमा छोट्याइएको थियो ।
तर १२ः १५ मा सुरु हुने खेल पुनः वर्षा भएपछि फेरि रोकिएको थियो । वर्षा रोकिएपछि १ बजे खेल पुनः सुरु भएको थियो ।
यसैबीच, कुवेतले ब्याटिङ सुरु गरेको छ ।
भालभेर्डेको निर्णायक गोलमा रियल म्याड्रिड विजयी
मधेस प्रिमियर लिग : जनकपुर सनराइज र बलान बिहुल विजयी
राजस्थानमाथि लखनउको २ रनको रोमाञ्चक जित
सेल्टा भिगोमाथि बार्सिलोनाको रोमाञ्चक जित
कीर्तिमानी सूर्यवंशीले १४ वर्ष २३ दिनमा खेले आईपीएलः पहिलो बलमै हिर्काए छक्का
वर्षासँगै सूर्यविनायक साँगा सडक एकतर्फी सञ्चालन
व्यवस्था र संविधानको रक्षाका लागि उपयुक्त वातावरण बनाउन तीन शीर्ष नेता सहमत
