काठमाडौँ– एसिसी प्रिमियर लिगको सेमिफाइनलअन्तर्गत खेलमा नेपाल र कुवेतबीचको जारी खेल फेरि वर्षाका कारण रोकिएको छ ।
वर्षाका कारण रोकिएमो उक्त खेल रद्द भए नेपाल स्वतः फाइनलमा पुग्ने नियम छ ।
नेपाल जितनजिक भएको अवस्थामा पानी परेपछि खेल रोकिएको छ ।
ब्याटिङमा सानदार प्रदर्शन गरेको नेपाल बलिङमा पनि कुवेतमाथि उस्तै हाबी भएको छ ।
कुवेतले ८.३ ओभरमा ३७ रन बनाएको अवस्था ६ विकेट गुमाइसकेको थियो । सोहीबेला पानी परेपछि खेल रोकिएको हो ।
करण केसीले व्यक्तिगत पाँचौ विकेट लिँदा नेपाललाई पाँचौ सफलता हासिल भएको हो ।
एक विकेट सोमपाल कामीको नाममा छ ।
अहिलेको अवस्थामा डिएल मेथडमा गए पनि नेपाल धेरै बलियो अवस्थामा छ ।
यसअघि वर्षाको कारण ४२ ओभरमा छोट्याइएको खेलमा नेपालले पूरै ओभर खेल्दै ९ विकेट गुमाएर २८१ रन बनाएको थियो ।
कुवेतले २८२ रनको लक्ष्य पछ्याउने क्रममा खराब ब्याटिङ गरेको छ ।
