माइतिघर पुगेर रविले भने– रास्वपाका २१ सांसद महावीर पुनको साथमा छ
काठमाडौँ– राष्ट्रिय स्वतन्त्र पार्टी (रास्वपा)ले राष्ट्रिय आविष्कार केन्द्रका संस्थापक महावीर पुनले अघि सारेका माग पुरा गर्न सरकारको ध्यानाकर्षण गराएको छ ।
शनिबार रास्वपाका सभापति सभापति रवि लामिछानेसहितका नेताहरु माइतिघर पुगेर पुनको आन्दोलनप्रति ऐक्यवद्धता जनाउदै माग पुरा गर्न सरकारको ध्यानाकर्षण गरेका हुन् ।
रास्वपाका सभापति लामिछानेले महावीर पुनले अघि सारेका चारबुँदे माग पुरा गर्नका लागि अविलम्व वार्ताको टेबुलमा बसि आन्दोलन अन्त्य गर्ने वातावरण तयार गर्न माग गरे ।
उनाले अव सरकारले कार्यतालिका नै बनाएर सरकारले पुनले अघि सारेका मागहरु सम्बोधन गर्नुपर्ने धारणा राखे । लामिछानेले रास्वपाका २१ जना सांसदहरु नै पुनको माग पुरा गर्नका लागि साथमा रहेको बताए ।
उहाले मुलुकको हितका लागि काम गर्ने व्यक्ति सडकमा आउनुपर्ने अवस्था आउन नदिन सरकार गम्भीर हुनुपर्ने उल्लेख गरे ।
