काठमाडौं –छायांकनका क्रममा रहेको फिल्म ‘नाङ्गो गाउँ’को अष्ट्रेलिया राइट्स बिक्री भएको छ ।
यो फिल्ममा कलाकार दयाहाङ राई र मिरुना मगर पुनः जोडीका रुपमा देखिँदै छन् ।
फिल्म छायांकनकै क्रममा रहेका बेला महंगो मूल्यमा अष्ट्रेलिया राइट्स बिक्री भएको हो । अष्ट्रेलियाको एमएसएम इन्टरटेन्मेन्ट्सले यो फिल्मको अधिकार खरिद गरेको छ ।
फिल्मको अहिलेसम्म ८० प्रतिशत मात्रै छायांकन सकिएको छ । फिल्ममा मिरुना र दयाका साथमा साम्राज्ञी राज्यलक्ष्मी शाह, कर्मा, वुद्धि तामाङ, रविन्द्र झा, शिशिर वाङ्देल लगायतका कलाकारले अभिनय गरेका छन् । फिल्म आगामी भदौ २९ गतेबाट प्रदर्शनका तयारीमा छ ।
प्रकाशित मिति: आइतबार, वैशाख १७, २०८० १६:३०
प्रतिक्रिया दिनुहोस्
