काठमाडौं–शुक्रबारबाट प्रदर्शनमा आएको फिल्म ‘प्रसाद २’को गीत रिलिज भएको छ ।
फिल्म निर्माण टिमले फिल्ममा समावेश ‘क्रान्ति’ बोलको गीत रिलिज गरेको हो ।
गीतमा फिल्मका मुख्य कलाकार विपिन कार्की, केकी अधिकारी, अर्पण थापा लगायतका कलाकार छन् । विद्रोह देखाइएको गीतको कोरियोग्राफी विक्रम स्वरले गरेका छन् ।
सुभा थापाको प्रस्तुतिमा तयार भएको फिल्मको यो गीतमा राजनराज सिवाकोटीको शब्द, संगीत र स्वर सुन्न सकिन्छ । फिल्ममा विपिन कार्की, केकी अधिकारी, अर्पण थापा, महेश त्रिपाठी लगायतका कलाकारले अभिनय गरेका छन् ।
सुशिल पौडेलले कथा रहेको फिल्म सुदर्शन थापाले निर्देशन गरेका हुन् । सुदर्शन बस्नेतको लगानीमा तयार भएको फिल्म ‘प्रसाद’को सिक्वेलको रूपमा निर्माण भएको हो । फिल्ममा जातीय विभेदमाथिको राजनीतिक कथा उठाइएको छ ।
प्रकाशित मिति: आइतबार, वैशाख १७, २०८० १७:२२
प्रतिक्रिया दिनुहोस्
