काठमाडौं – नेपालले एसिसि प्रिमियर कपको उपाधि जितेर एसिया कपका लागि छनोट भइसकेको छ । एसिया कपमा छनोट भएपछि नेपाली खेलाडीहरूले लियोनल मेस्सी स्टाइलमा ट्रफीसहित तस्विर सार्वजनिक गरेका छन् ।
सोमपाल कामी, करण केसी र कप्तान रोहित कुमार पौडेलले ट्रफीसहितको तस्बिर सार्वजनिक गरेका हुन् । उनीहरूले ट्रफीसहित ओछ्यानमा सुतिरहेको तस्विर सामाजिक सन्जालमा राखेका छन् ।
यसअघि लियोनल मेस्सीले पनि विश्वकप जितेपछि यसरी नै विश्वकप ट्रफीसहित सुतेको तस्विर सार्वजनिक गरेका थिए । मेस्सीले उपाधि जितेको भोलिपल्ट उक्त तस्विर राखेका थिए ।
तर यी खेलाडीहरूले भने उपाधि जितेको केही घण्टामै ट्रफीसहित सुतेको तस्विर राखेका हुन् ।
प्रकाशित मिति: मंगलबार, वैशाख १९, २०८० १६:४३
प्रतिक्रिया दिनुहोस्
