केन्याले सुडानबाट ४०९ आफ्ना नागरिकलाई स्वदेश फर्कायो

नैरोबी– केन्याले अप्रिल १५ मा प्रतिद्वन्द्वी सैन्य गुटहरूबीचको द्वन्द्व सुरु भएदेखि हालसम्म सुडानबाट चार सय नौ जना आफ्ना नागरिकलाई बाहिर निकालेको छ ।  

सरकारी अधिकारीले मङ्गलबार जनाएअनुसार विदेश र डायस्पोरा मामिला मन्त्रालयका सचिव अल्फ्रेड मुटुआले केन्याको राजधानी नैरोबीमा पत्रकार सम्मेलनमा सो बारे जनाकारी दिएका हुन् ।

‘निकासी प्रक्रिया अझै खुला छ र हामीले सुडानमा एउटा टोली राखेका छौँ, जसले सुडान छोड्न इच्छुक केन्यालीहरूसँग नजिकबाट काम गरिरहेको छ,’ मुटुआले भनेका छन् ।

उनले पूर्वी अफ्रिकी राष्ट्रले सुडानमा केन्यालीहरूलाई सहयोग गर्न स्रोत र प्राविधिक सहयोग पनि जारी राखेको उल्लेख गरेका छन् ।

दक्षिण सुडान र इथियोपियाले पनि केन्यालीलाई आफ्नो सिमाना पार गरेर केन्या पुग्न सहयोग गरेको उनले बताए ।

सुडानी सशस्त्र बल ९एसएएफ० र ¥यापिड सपोर्ट फोर्स ९आरएसएफ० बीचको झडपमा मृत्यु हुनेको सङ्ख्या पाँच सय पुगेको र हजारौँ घाइते भएको स्वास्थ्य मन्त्रालयले जनाएको छ ।