काठमाडौँ– इंग्लिस प्रिमियर लिग फुटबलमा म्यानचेस्टर सिटी फेरि शीर्ष स्थानमा उक्लिएको छ ।
बुधबार मात्र चेल्सीलाई हराउँदै आर्सनल शीर्ष स्थानमा उक्लिएकोमा गएराति फेरि सिटीले उछिनेको हो ।
घरेलु मैदानमा वेस्ट ह्याम युनाइटेडलाई ३–० गोल अन्तरले हराएसँगै सिटी फेरि शीर्ष स्थानमा पुग्न सफल भएको छ ।
सिटीको जितमा अर्लिङ हालाण्ड, नाथन एके र फिल फोडेनले एक–एक गोल गरे ।
यससँगै हालान्डले प्रिमियर लिगमा यस सिजन ३५ गोल पूरा गरेका छन् । साथै, उनी एकै सिजन प्रिमियर लिगमा सर्वाधिक गोल गर्ने खेलाडीसमेत बनेका छन् ।
शीर्ष स्थानको सिटीले ३३ खेलमा ७९ अंक छ । सिटीको जितले दोस्रो स्थानमा झरेको आर्सनलको ७८ अंक छ । आर्सनल सिटीभन्दा एक अंकले पछि छ । यद्यपि, सिटीले एक खेल कम खेलेको छ ।
पराजित भएको वेस्ट ह्याम ३४ अंक जोडेर १५ औं स्थानमा रहेको छ ।
प्रकाशित मिति: बिहीबार, वैशाख २१, २०८० ०८:४८
प्रतिक्रिया दिनुहोस्
