काठमाडौं–अमेरिकामा आयोजना हुन लागेको ११ औँ नेफ्टा अवार्ड अब साउनमा हुने भएको छ ।
जेठ १३ गतेका लागि तय गरिएको अवार्ड वितरण मिति अब साउन ६ गतेलाई सारिएको छ ।
अवार्ड वितरणका लागि आवश्यक तयारी नपुगेकाले अवार्ड सार्न परेको चलचित्र प्राविधिक संघका अध्यक्ष पुष्कर लामाले बताए । आगामी वैशाख ३१ मा अवार्डका उत्कृष्ठ पाँचको मनोनयन घोषणा गर्ने कार्यक्रम तय गरिएको छ ।
जुरीले गरेका मूल्यांकनको आधारमा उत्कृष्ट पाँच घोषणा हुने अध्यक्ष लामाले बताए । उत्कृष्ट पाँचमा अटाउने सबै फिल्मकर्मीलाई अमेरिकामा हुने अवार्डमा सहभागिता जनाउने छन् ।
आयोजक संस्था फेम नेपालका अध्यक्ष विमल पछाइले नेफ्टा अवार्डमार्फत आफूहरूले हलिउड र बलिउडसँग पनि सहकार्य गरेर संस्कृतिलाई प्रवद्र्धन गर्नु रहेको बताएका छन् ।
अवार्डमा २०७९ सालभित्र प्रदर्शन भएका फिल्मले ४२ विधामा प्रतिस्पर्धा गर्नेछन् । अमेरिकी संस्करणका लागि फेम नेपालसहित युएस खबर र आर्यन फिल्म्सले पनि सहकार्य गर्दैछन् ।
