काठमाडौं–नेपाली कथानक चलचित्र ‘परस्त्री’को पोस्टर सार्वजनिक भएको छ । बलिउड ट्रेड एनलाइसिस्ट तरण आदर्शले पोस्टर सार्वजनिक गरेका हुन् ।
सुरज पाण्डेले निर्देशन गरेको चलचित्रको पोस्टर तरणले शुक्रबार ट्विटरमार्फत सार्वजनिक गरेका हुन् ।
शर्मिला पाण्डेले निर्माण गरेको चलचित्रको कथा दीपेन्द्र के खनालले लेखेका छन् । चलचित्र आउँदो असार १५ गते रिलिज हुनेछ ।
‘परस्त्री’ अहिले मुम्बईमा हिन्दी भाषामा डबिङ भइरहेको छ । चलचित्र भारतीय सिनेमा हलमा पनि रिलिज गर्ने निर्माण पक्षको तयारी छ । भारतीय सिनेमा वितरकसँग थिएटर रिलिजका विषयमा छलफल भइरहेको निर्माण पक्षले जनाएको छ । अहिले निर्देशक सुरज र निर्माता शर्मिला मुम्बईमा छन् ।
चलचित्रमा कोसिस क्षेत्री, शिल्पा मास्के, गौरव विष्ट, अलिसा क्षेत्री, आशान्त शर्मालगायत कलाकारको अभिनय छ ।
प्रकाशित मिति: शुक्रबार, वैशाख २२, २०८० १३:४३
प्रतिक्रिया दिनुहोस्
