काठमाडौँ- साविक विजेता गुजरात टाइटन्स भारतमा जारी इन्डियन प्रिमियर लिग (आइपिएल)को प्ले अफनजिक पुगेको छ ।
गएराति राजस्थान रोयल्समाथि ९ विकेटको सहज जित निकाल्दै गुजरात लिग चरणका ८ खेल खेल्न बाँकी छँदै प्ले अफनजिक पुगेको हो ।
यो जितपछि गुजरातले शीर्ष स्थानमा आफ्नो अग्रतालाई ३ अंक पुर्याएको छ ।
१० खेलमा ७ जित र ३ हार ब्यहोरेको उसको १० खेलबाट १४ अंक भएको छ । पछिल्ला ५ खेलमध्ये ४ मा पराजित राजस्थान भने १० अंकमा चौथो स्थानमा छ । अन्य ३ टोलीको पनि समान १० अंक भए पनि रनरेटमा १ पटकको विजेता राजस्थान अघि छ ।
गएराति राजस्थानले पहिले ब्याटिङ गर्दै १७.५ ओभरमा सबै विकेट गुमाएर ११८ रन मात्र बनाएको थियो ।
‘प्लेयर अफ द म्याच’ बनेका रसिद खानले १४ रन खर्चेर ३ विकेट लिए । जवाफमा गुजरातले १३.५ ओभरमा १ विकेट गुमाएर ११९ रन बनायो । ओपनर रिद्धिमान शाह ४१ रन बनाएर नटआउट रहे ।
