काठमाडौं–सहिद स्मारक 'ए' डिभजिन लिग फुटबलमा मंगलबार तीन खेल हुँदैछन् । दशरथ रंगशालामा दुई र च्यासल मैदानमा एक खेल हुने अखिल नेपाल फुटबल संघ एन्फाले जनाएको छ । दशरथ रंगशालामा दिउँसो ३ बजे हुने खेलमा थ्रीस्टार र न्यूरोड टिम एनआरटीबीच प्रतिस्पर्धा हुँदैछ ।
थ्रीस्टार १५ खेलबाट २४ अंक जोडेर तेस्रो स्थानमा छ भने एनआरटी समान खेलबाट १७ अंक जोडेर १२औँ स्थानमा छ । यस्तै सोही रंगशालामा साँझ ६ बजे जावालाखेल युथ र हिमालयन शेर्पाबीच प्रतिस्पर्धा हुँदैछ ।
जावलाखेल १५ खेलबाट २४ अंक जोडेर तालिकाको दोस्रो स्थानमा छ । समान खेल खेलेको हिमालयन शेर्पा २० अंकसहित आठौँ स्थानमा छ ।
च्यासल मैदानमा दिउँसो ३ बजे हुने खेलमा संकटा र सातदोबाटोबीच प्रतिस्पर्धा हुने एन्फाले जनाएको छ । १५ खेलबाट १७ अंकसहित ११औँ स्थानमा र सातदोबाटो समान खेलबाट २३ अंकसहित पाँचौ स्थानमा छ ।
प्रकाशित मिति: मंगलबार, वैशाख २६, २०८० १०:५५
प्रतिक्रिया दिनुहोस्
