काठमाडौं–सहिद स्मारक ‘ए’ डिभिजन लिगमा शुक्रबार मनाङ मर्स्याङ्दी क्लब र हिमालयन शेर्पा क्लबले १–१ गोलको बराबरी खेलेका छन् ।
सातदोबाटोस्थित एन्फा कम्प्लेक्समा भएको खेलको १४औं मिनेटमा निरन्जन धामीले गोल गर्दै मनाङलाई अग्रता दिलाएका थिए ।
सुरुआतमै पछाडि परेको हिमालयन शेर्पाका लागि ३६औं मिनेटमा अबायोनी फाकुनेले बराबरी गोल फर्काएका थिए ।
बराबरीसँगै १७ खेलबाट २१ अंक जोडेको मनाङ सातौं स्थानमा उक्लिएको छ । समान खेलबाट २१ नै अंक जोडेको हिमालयन शेर्पा नवौं स्थानमा छ ।
प्रकाशित मिति: शुक्रबार, वैशाख २९, २०८० १८:०६
प्रतिक्रिया दिनुहोस्
