काठमाडौं - पुरुष साफ च्याम्पियनसिपमा नेपाल र भारत एकै समूहमा परेका छन् । आगामी असार ६ गतदेखि १८ सम्म आयोजना हुने साफ च्याम्पियनसिपमा नेपाल र भारत ‘ए’ समूहमा परेका हुन् ।
बुधबार दक्षिण एसियाली फुटबल महासंघ (साफ)ले आयोजना गरेको ड्रमा समूह ‘ए’मा नेपाल, भारत, पाकिस्तान र कुवेत परेका छन् भने समूह ‘बी’ मा लेबानन्, माल्दिभ्स, भुटान र बंगलादेश छन् ।
भारतको बेंगलुरुमा हुने च्याम्पियनसीपमा नेपालसहित भारत, बंगलादेश, कुवेत, लेबनान, भुटान, पाकिस्तान, माल्दिभ्सले सहभागिता जनाउँदै छन् । यस संस्करणमा फिफाको प्रतिबन्धका कारण श्रीलंकाको सहभागिता रहने छैन । कुवेत र लेबनान आमन्त्रित टीममा रहेका छन् ।
प्रकाशित मिति: बुधबार, जेठ ३, २०८० १६:१०
प्रतिक्रिया दिनुहोस्
