काठमाडौँ– नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले कुनै पनि कालखण्डमा भएका भ्रष्टाचार विरुद्ध कडा कदम चाल्न प्रस्ताव गरेका छन् ।
आज प्रतिनिधि सभामा सरकारको आगामी आर्थिक वर्षको नीति तथा कार्यक्रममाथिको छलफलमा भाग लिदै अध्यक्ष ओलीले यस्तो प्रस्ताव गरेका हुन् । उनले कुनै पनि कालखण्डमा भएका र जो कोही भएपनि भ्रष्टाचारीलाई कारबाही गर्न पनि प्रस्ताव गरेका छन् ।
‘हामी भ्रष्टाचारलाई यो र त्यो समयको, यसले र उस्ले गरेको भन्दैनौं । भ्रष्टाचार भ्रष्टाचारै हो । यसको पद, जात, लिंग र समय हुँदैन । इतिहासको जुनसुकै कालखण्डमा, जो सुकैले गरेको भ्रष्टाचार छानविनको दायरामा ल्याइनु पर्छ । हामी दृढ छौं, सयौं वर्षपछि पनि गलत कार्यको स्वीकारोक्ति, क्षतिपूर्ति र सजाय भइरहेका उदाहरण हामी विभिन्न राष्ट्रहरुमा देख्न सक्छौं,’ ओलीले भने ।
प्रकाशित मिति: आइतबार, जेठ ७, २०८० १३:०८
प्रतिक्रिया दिनुहोस्
