काठमाडौँ– बोरुसिया डर्टमुण्ड जर्मन बुन्डेस लिगा फुटबलको शीर्ष स्थानमा उक्लिएको छ ।
गएराति १० खेलाडीमा समेटिएको अग्सबर्गमाथि ३–० को सहज जित निकाल्दै डर्टमुण्ड लिगको शीर्ष स्थानमा उक्लिएको हो ।
खेलको ३८ औं मिनेटमा फेलिक्स उडेओखाईले रातो कार्ड पाएपछि अग्सबर्ग १० खेलाडीमा समेटिएको थियो ।
५८ औं मिनेटमा सेबास्टियन हालेरले गोल गर्दै डर्टमुण्डलाई अग्रता दिलाएका थिए ।
खेलको ८४ औं मिनेटमा उनले नैे व्यक्तिगत दोस्रो गोल गर्दा डर्टमुण्ड २–० ले अघि रह्यो ।
त्यसपछि खेलको इन्जुरी समयमा जुलियन ब्रान्टले गोल गर्दै डर्टमण्डलाई ३–० को सहज जित दिलाए ।
जितसँगै डर्टमुण्डले ३३ खेलमा ७० अंक जोडेको छ ।
अग्सबर्ग ३४ अंक जोडेर १४ औं स्थानमा रहेको छ ।
दोस्रो स्थानमा साविक विजेता बायर्न म्युनिख छ । उसले ६८ अंक बनाएको छ ।
प्रकाशित मिति: सोमबार, जेठ ८, २०८० ०८:५५
प्रतिक्रिया दिनुहोस्
