काठमाडौँ– इन्टर मिलानले कोपा इटालियाको उपाधि जितेको छ ।
गएराति भएको फाइनलमा फियोरेन्टिनालाई २–१ गोल अन्तरले हराउँदै इन्टरले उपाधि जितेको हो ।
इन्टरले एक गोलको अग्रता उल्टाएर उपाधि हात पार्न सफल भएको हो ।
खेलको तेस्रो मिनेटमा निकोलस गोन्जालेजले गोल गर्दै फियोरेन्टिनालाई अग्रता दिलाएका थिए ।
तर, खेलको २९ औं मिनेटमा लाउटरो मार्टिनेजले गोल गर्दै इन्टरलाई १–१ गोलको बराबरीमा ल्याए ।
त्यसपछि खेलको ३७ औं मिनेटमा फेरि मार्टिनेजले नै व्यक्तिगत दोस्रो गोल गर्दै इन्टरलाई २–१ को जित दिलाए ।
च्याम्पियन्स लिगको फाइनल खेल्ने संघारमा रहेको इन्टरले लगातार दोस्रो पटक कोपा इटालियाको उपाधि जितेको हो ।
इन्टरले आगामी ११ जुनमा च्याम्पियन्स लिगको चौथो उपाधिका लागि टर्कीमा इंग्लिस क्लब म्यानचेस्टर सिटीसँग प्रतिस्पर्धा गर्दैछ ।
प्रकाशित मिति: बिहीबार, जेठ ११, २०८० ०८:४१
प्रतिक्रिया दिनुहोस्
