मस्को– मस्को जाँदै गरेका थुप्रै मानवरहित हवाई यानहरूमा मङ्गलबार बिहानै रुसको राजधानी नजिकै गोली हानाहान भएको छ । 

मस्कोका गभर्नर एन्ड्री वोरोबियोभलाई उद्धृत गर्दै तासले लेखेको छ, ‘आज बिहान मस्को क्षेत्रका केही जिल्लाका बासिन्दाहरूले विस्फोटको आवाज सुने, जुन हाम्रो हवाई सुरक्षा सञ्चालनमा थियो । मस्को जाने बाटोमा थुप्रै ड्रोनहरू खसालिएका थिए ।’  

वोरोब्योभले मस्को क्षेत्रका बासिन्दाहरूलाई संयमित रहन आग्रह गर्दै सबै आपतकालीन एकाइहरू सञ्चालनमा रहेको र  घटनाको थप विवरण सार्वजनिक गरिने जानकारी दिएका छन् ।

यसैबीच, मस्कोका मेयर सर्गेई सोब्यानिनले ड्रोन आक्रमणपछि दुई व्यक्तिलाई चिकित्सकको निगरानीमा राखिएको बताएका छन् । यद्यपि ड्रोन आक्रमणपछि कसैलाई पनि गम्भीर चोटपटक लागेको र अस्पताल पुर्याइएको छैन । उनले घटनास्थलमा आपतकालीन सेवा र एम्बुलेन्सका केही टोली भने खटाइएको बताए ।

यसैगरी, आफ्नो टेलिग्राम च्यानल पोस्टमा मस्कोका मेयरले ‘नगरपालिका चिकित्सा सेवाहरूबाट प्राप्त जानकारी अनुसार मानवरहित हवाईयानद्वारा क्षतिग्रस्त भवनहरूका बासिन्दाहरू गम्भीर घाइते भएको उल्लेख गरेका छन् ।