काठमाडौँ– स्वतन्त्र सांसद अमरेशकुमार सिंहले दुवै सदनबाट दुई–दुई पटक पारित गरेर पठाएको विधेयक प्रमाणीकरण नगर्ने राष्ट्रपति विद्यादेवी भण्डारीलाई कारबाहीको दायरामा ल्याउन माग गरेका छन् ।

उनले आजको प्रतिनिधिसभाको बैठकमा उक्त कुरा बताएका हुन् ।

‘यो संविधान र कानुनभन्दा माथि कोही हुन सक्दैन । दुई–दुई पटक पारित गरेर पठाएको विधेयक प्रमाणीकरण नगर्ने राष्ट्रपतिलाई कारवाही गर्नुपर्छ’ उनले भने ।

यसैबीच सिंहले संविधान देखाउँदै तत्कालीन राष्ट्रपति संविधानबमोजिम किन विधेयक रोकेर राखेको भन्दै प्रश्न गरे र कारबाही हुनुपर्ने माग गरे ।