काठमाडौँ– प्रमुख प्रतिपक्षी दल नेकपा एमालेका अध्यक्ष केपी शर्मा ओलीले सरकारले आर्थिक वर्ष २०८०–८१ बजेटमा गाँजा खेती अध्ययन गर्ने नीति ल्याएकोबारे प्रश्न उठाएका छन् ।
आज प्रतिनिधिसभाको बैठकमा बजेटमाथिको छलफलमा उनले गाँजा खेतीको विषय कसैको स्वार्थका लागि ल्याइएको हुनसक्ने शंका गरे ।
सरकारले गाँजालाई औषधिजन्य प्रयोगका लागि अध्ययन गर्ने भनेर नीति ल्याएको छ । एमाले संसदीय दलका नेतासमेत रहेका ओलीले त्यसकोे आलोचना गरेका छन् ।
ओलीले यसलाई गाँजा खेतीलाई ’फेन्सी योजना’को संज्ञा दिएका छन् ।
’जनताको सरकारभन्दा फेन्सी कुराहरू आए । गाँजा खेती कसको स्वार्थमा ल्याइयो । धेरै गरिबका लागि आएको होइन । कसलाई लाइसेन्स लिएको गाँजा खेतीका लागि आएको हो ?,’ उनले प्रश्न गरे ।
प्रकाशित मिति: मंगलबार, जेठ २३, २०८० १६:५२
प्रतिक्रिया दिनुहोस्
