अफगानिस्तानमा विष्फोट : डेपुटी प्रान्तीय गभर्नरसहित २ जनाको मृत्यु, ६ जना घाइते
फेजाबाद– अफगानिस्तानको प्रान्तीय राजधानी फैजाबादमा मङ्गलबार भएको विष्फोटमा परी डेपुटी गभर्नरसहित दुई जनाको मृत्यु भएको छ भने अन्य ६ जना घाइते भएका छन् ।
सूचना तथा संस्कृतिका प्रान्तीय निर्देशक कारी माजुद्दिन अहमदीका अनुसार ‘फैजाबाद सहरमा भएको विस्फोमा बदख्सान प्रान्तका डेपुटी गभर्नर मौलावी निसार अहमद अहमदीसहित दुई जनाको मृत्यु भएको छ र अन्य ६ जना घाइते भएका छन् । घाइते सबैलाई अस्पताल लगिएको छ ।’
स्थानीय समयअनुसार बिहान ०८ः१५ बजे फैजाबाद सहरको चराही महकामा क्षेत्रमा कार बम विस्फोट भएको हो ।
घातक हमलाको जिम्मेवारी लिने कुनै समूहको बारेमा जानकारी सार्वजनिक गरिएको छैन ।
प्रकाशित मिति: बुधबार, जेठ २४, २०८० १०:५३
प्रतिक्रिया दिनुहोस्
