काठमाडौँ– प्रधानमन्त्री पुष्पकमल दाहाल प्रचण्डले भ्रमणका क्रममा कृषि क्षेत्रको विकासका लागि धेरै महत्वपूर्ण सहमति भएको, त्यसबाट कृषि उत्पादन बढ्ने र रोजगारी वृद्धि हुने विश्वास व्यक्त गरेका छन् ।
आज राष्ट्रिय सभामा उठेका प्रश्नहरूको जवाफ दिँदै उनले नेपालको दुग्ध उत्पादन वृद्धिका लागि मुर्रा प्रजातिको राँगो यति नै बेला आउनु झनै राम्रो भएको बताए ।
उखु खेतीको व्यावसायिक विकासका लागि नयाँ प्रजाति आउनु, कफीको नयाँ प्रजाति ल्याउनु महत्वपूर्ण रहेको प्रधानमन्त्री प्रचण्डले दाबी गरे ।
प्रधानमन्त्रीको भारत भ्रमणका क्रममा भारतले १५ वटा मुर्रा जातका राँगा उपहार दिएको छ । यसलाई लिएर विभिन्न टिकाटिप्पणी भइरहेका छन् ।
प्रकाशित मिति: बुधबार, जेठ २४, २०८० १४:२१
प्रतिक्रिया दिनुहोस्
