काठमाडौँ– युरोपा कन्फ्रेन्स लिगको उपाधि इंग्लिस क्लब इंग्लिस क्लब वेस्ट ह्याम युनाइटेडले जितेको छ । गएराति चेक रिपब्लिकमा सम्पन्न फाइनल खेलमा इटालियन क्लब फियोरेन्टिनालाई २–१ गोल अन्तरले स्तब्ध पार्दै वेस्ट ह्यामले ४३ वर्षपछि मुख्य उपाधि हात पारेको हो ।
बेस्ट ह्यामका सेद बेन्रह्माले खेलको ६२ औं मिनेटमा पेनाल्टीमार्फत गोल गर्दै आफ्नो टोलीलाई अग्रता दिलाएका थिए । तर त्यसको ५ मिनेटपछि नै फियोरेन्टिनाका जियाकोमा बोनाभेन्तुराले गोल गर्दै खेललाई बराबरीमा फर्काए ।
त्यसपछि खेलको ९०औं मिनेटमा जारोड बोवेनले गोल गरेपछि वेस्ट ह्यामको जित पक्का भयो ।
योसँगै बेस्ट ह्यामले आगामी सिजनको युरोपमा लिगमासमेत स्थान सुरक्षित गरेको छ । कन्फ्रेन्स लिग च्याम्पिइनस लिग र युरोपा लिगपछि युरोपको तेस्रो स्तरको नकआउट लिग हो ।
युरोपा लिगको उपाधि स्पेनिस क्लब सेभिल्लाले जितिसकेको छ भने च्याम्पियन्स लिगको फाइनल आगामी जुन १० मा हुनेछ ।
उपाधिका लागि इंग्लिस क्लब म्यानचेस्टर युनाइटेड र इटालियन क्लब इनटर मिलानबीच प्रतिस्पर्धा हुँदैछ ।
