काठमाडौँ– कालिकोटमा जिप दुर्घटना हुँदा २ जनाको मृत्यु भएको छ । रास्कोट नगरपालिका– २ सेरा बजारमा जिप दुर्घटना हुँदा १ जना घाइते भएका छन् ।
आज बिहान ७ बजे भएको जिप दुर्घटनामा रास्कोट नगरपालिका १ निवासी नेपाली कांग्रेसका नेता मनबहादुर शाही र उनकी श्रीमतीको मृत्यु भएको जनाइएको छ ।
सोही वडा निवासी रितु सिंह गम्भीर घाइते भएकी छिन् । उनको रास्कोट अस्पतालमा उपचार भइरहेको कालिकोट प्रहरीले जनाएको छ ।
रास्कोट अस्पतालमा उपचाररत घाइतेको थप उपचारको लागि हेलिकोप्टरमार्फत उद्धार गर्ने तयारी गरिएको बताइएको छ ।
प्रकाशित मिति: बिहीबार, जेठ २५, २०८० ०९:२८
प्रतिक्रिया दिनुहोस्
