काठमाडौँ– सहिद स्मारक ’ए’ डिभिजन लिग फुटबलअन्तर्गत सिजनको आफ्नो अन्तिम खेलमा नेपाल एपिएm क्लबलाई हराउँदै फ्रेन्ड्स क्लब रेलिगेसनबाट जोगिएको छ ।
त्रिपुरेश्वरस्थित दशरथ रंगशालामा आज ललितपुरको फ्रेन्ड्सले विभागीय टोली एपिएफलाई ४–० गोल अन्तरले हराएको हो ।
फ्रेन्ड्सको जितमा टोरिक जेब्रिन, विकास थापा, राफिक अमिनु र अखरबेक उक्तामोभले एक–एक गोल गरे ।
यस जितसँगै फ्रेन्ड्सले २६ खेलमा ३० अंक जोडेको छ । फ्रेन्ड्स लिगको ११ औं स्थानमा उक्लिएको छ ।
एपिएफले २६ खेलमा ३० अंक जोडेको छ । एपिएफ १३ औं स्थानमा झरेको छ । हारसँगै एपिएफको रेलिगेसनको डर कायमै रहेको छ ।
प्रकाशित मिति: शुक्रबार, जेठ २६, २०८० १९:४०
प्रतिक्रिया दिनुहोस्
