काठमाडौँ– अन्तराष्ट्रिय मैत्रीपूर्ण फुटबल खेलमा विश्वकप विश्व विजेता अर्जेन्टिनाले अष्ट्रेलियालाई हराएको छ ।
बिहीबार साँझ भएको खेलमा अर्जेन्टिनाले अष्ट्रेलियालाई २–० ले हराएको हो ।
अर्जेन्टिनाको जितमा कप्तान लियोनल मेसी र जर्मन पिजेल्लाले एक–एक गोल गरे ।
चीनमा भएको खेलको दोस्रो मिनेटमा नै मेसीले गोल गर्दै अर्जेन्टिनालाई सुरुवाती अग्रता दिलाएका थिए ।
त्यसपछि ६८ औँ मिनेटमा पिजेल्लाले गोल गर्दै अर्जेन्टिनालाई २–० को जित दिलाए ।
यी दुई टोलीबीच गत वर्ष विश्वकपको अन्तिम १६ मा पनि भेट भएको थियो । जहाँ अर्जेन्टिनाले २–१ ले हराएको थियो ।
एसिया भ्रमणमा रहेको अर्जेन्टिनाले तीन दिनपछि इन्डोनेसियासँग उसको घरेलु मैदानमै अर्को खेल खेल्नेछ । जहाँ मेसीलगायत केही प्रमुख खेलाडी भने सहभागी नहुने भएका छन् ।
प्रकाशित मिति: शुक्रबार, असार १, २०८० १३:४१
प्रतिक्रिया दिनुहोस्
