काठमाडौँ– स्वास्थ्यमा पुनः समस्या देखिएपछि राष्ट्रपति रामचन्द्र पौडेल अस्पताल भर्ना भएका छन् ।
राष्ट्रपति रामचन्द्र पौडेल मुटुमा पुनः समस्या देखिएपछि महाराजगञ्जस्थित त्रिवि शिक्षण अस्पताल भर्ना गरिएको बताइएको छ ।
मध्यरातमा अस्पताल पुर्याइएका राष्ट्रपति पौडेललाई बिहान नै मनमोहन कार्डियो भास्कुलर लगिएको स्रोतले बताएको छ ।
पौडेलको मुटुमा समस्या देखिएपछि २ बजे राति अस्पताल पुर्याइएको थियो ।
अहिले उनको सिसियूको क्याबिनमा राखेर उपचार भइरहेको स्रोतले बताएको छ ।
केही दिनअघि पनि मुटुमा समस्या आएपछि राष्ट्रपति पौडेल अस्पताल भर्ना भएका थिए । उनी अघिल्लो महिना मात्रै भारतको नयाँ दिल्लीमा उपचार गरेर फर्केका थिए ।
सुरुमा उनलाई पेटको समस्या देखिएको बताइएको थियो ।
प्रकाशित मिति: शनिबार, असार २, २०८० ०९:०५
प्रतिक्रिया दिनुहोस्
