काठमाडौँ– आईसीसी एकदिवसीय विश्वकप छनोट प्रतियोगितामा नेपाल जिम्बाव्वेसँग ८ विकेटले पराजित भएको छ ।
जिम्बाव्वेको हरारे मैदानमा नेपाली ब्याटरले राम्रो प्रदर्शन गर्दै जिम्बाव्वेलाई दिएको २९१ रनको लक्ष्य जिम्बाव्वेले २ विकेट गुमाएर ४४.१ ओभरमा भेट्टायो ।
जिम्बाव्वेका लागि क्रेग इर्भिन र सेन विलियम्स दुवैले नट आउट शतकीय पारी खेलेर १६४ रनको साझेदारी गरे । कप्तान इर्भिनले १२८ बल खेल्दै १५ चौका र १ छक्का मद्दतमा नटआउट १२१ रन बनाए । यस्तै विलियम्सले ७० बल खेल्दै १३ चौका र २ छक्का मद्दतमा १०२ रन बनाए ।
वेस्ली मधेभरे ३२ तथा जोयलर्ड गम्बी २५ रनमा आउट भए । नेपालका लागि सोमपाल कामी र गुल्शन झाले १.१ विकेट लिए ।
टस जितेर पहिला ब्याटिङ्ग गरेको नेपालले ५० ओभरमा ८ विकेट गुमाउँदै एक दिवसीय क्रिकेटमा आफ्नोफ तेस्रो ठूलो योगफल २९० रन बनाएको थियो ।
जिम्बाव्वेविरुद्ध नेपालका ओपनर व्याटर कुलश भुर्तेल शतक बनाउन १ रनले चुके उनले ९५ बलमा ९९ रन बनाए । यस्तै, अर्का ओपनर आशिफ शेख पनि १०० बलमा ६६ रन बनाएर आउट भए । जिम्बाव्वेका वेलिङटन मसाकान्डाले कुशललाई ९९ रनमा बोल्ड गरे । ९५ बल खेलेका उनले १३ चौका र २ छक्का प्रहार गरे ।
त्यस्तै, कुशल मल्लले ४२ बलमा ४१ रन बनाए । कप्तान रोहित पौडेलले २९ बलमा ३१ रन बनाएपनि त्यसपछिका ब्याटरले राम्रो खेल देखाउन सकेनन् ।
समूह ए मा नेपालले दोस्रो खेल मंगलबार अमेरिकासँग खेल्नेछ ।
