काठमाडौँ– विश्वविजेता अर्जेन्टिनाले अन्तराष्ट्रिय मैत्रीपूर्ण फुटबल खेलमा एसियाली राष्ट्र इन्डोनेसियामाथि सहज जित निकालेको छ ।
सोमबार साँझ भएको खेलमा अर्जेन्टिनाले घरेलु टोली इन्डोनेसियालाई २–० को सहज जित निकालेको हो ।
इन्डोनेसियास्थित जेलोरा बुङ कार्नो रंगशालामा भएको खेलमा ३८ औं मिनेटमा लियान्द्रो परेडेसको गोलमार्फत भ्रमणकारी टोलीले १–० को अग्रता लिएको थियो ।
त्यसपछि दोस्रो हाफको ५५ औं मिनेटमा क्रिस्टियन रोमेरोले गोल थप्दा अर्जेन्टिनाले घरेलु टोलीलाई पराजित गरेको हो ।
अर्जेन्टिना पछिल्लो फिफा वरीयतामा पहिलो स्थानमा रहँदा इन्डोनेसिया भने १४९ औं स्थानमा रहेको छ ।
अर्जेन्टिना कप्तान लियोनल मेसी, उपकप्तान एंगेल डी मारिया र निकोलास ओटामेन्डीबिना नै मैदानमा उत्रिएको थियो ।
पाँच दिनअघि चीनमा अष्ट्रेलियामाथि जित निकालेपछि मुख्य प्रशिक्षक लियोनल स्कालोनीले यी तीन सिनियर खेलाडीलाई बिदा दिएका थिए ।
