काठमाडौँ– साफ च्याम्पियनसिप फुटबलको पहिलो खेलमा आज नेपालले कुवेतविरुद्ध पहिलो खेल खेल्दैछ ।
खेल नेपाली समयअनुसार दिउँसो ३ः४५ बजे भारतको बेंग्लोरमा सुरु हुनेछ ।
यसैबीच, नेपाली टोलीका मुख्य प्रशिक्षक भिन्सेन्जो अल्बर्टो एनेसले किरण चेम्जोङको कप्तानीमा सुरुवाती ११ सार्वजनिक गरेका छन् ।
कोलकिपरमा किरण हुनेछन् । यस्तै, रक्षापंक्तिमा विमल पाण्डे, रोहित चन्द, अनन्त तामाङ र सनिश श्रेष्ठ छन् ।
यसैगरी, मिडफिल्डमा लाकेन लिम्बु, पुजन उपरकोटी र एरिक विष्ट हुनेछन् ।
आक्रमणको जिम्मा मनीष डाँगी, अञ्जन विष्ट र नवयुग श्रेष्ठले पाएका छन् ।
आजबाट जुलाई ४ सम्म हुने प्रतियोगितामा नेपालले समूह ‘ए’मा आयोजक भारत, आमन्त्रित टोली कुवेत र पाकिस्तानको सामना गर्नेछ ।
यस्तै, समूह ‘बी’मा लेबनान, माल्दिभ्स, भुटान र बंगलादेश छन् ।
यस्तो छ सुरुवाती ११ :
प्रकाशित मिति: बुधबार, असार ६, २०८० १५:०२
प्रतिक्रिया दिनुहोस्
