काठमाडौँ – आइसिसी एकदिवसीय क्रिकेट विश्वकप छनोट प्रतियोगिताअन्तर्गत जारी खेलमा वेस्ट इन्डिजले नेपाललाई ३४० रनको विशाल लक्ष्य दिएको छ ।
टस हारेर पहिले ब्याटिङ गरेको वेस्ट इन्डिजले निर्धारित ५० ओभरमा ७ विकेट गुमाएर ३३९ रन बनायो ।
वेस्ट इन्डिजले १५.३ ओभरमा ५५ रन बनाउँदा तेस्रो विकेट गुमाएको थियो । तर त्यसपछि सम्हालिएर ब्याटिङ गर्यो ।वेस्ट इन्डिजका दुई खेलाडीले शतक बनाए । कप्तान साई होपले १३२ तथा निचोलस पुरनले ११५ रन बनाए ।
नेपालका बलरहरू सुरुवात राम्रो गरे पनि बीचमा त्यो कायम राख्न सकेनन् । ललित राजबंशीले ३ तथा करण केसी, सन्दीप लामिछाने, दीपेन्द्रसिंह ऐरी र गुल्शन झाले समान १ विकेट लिए ।
केहीबेरपछि नेपालले लक्ष्य पछ्याउने छ ।
प्रकाशित मिति: बिहीबार, असार ७, २०८० १६:३३
प्रतिक्रिया दिनुहोस्
