काठमाडौँ– भारतमा जारी साफ च्याम्पियनसिप फुटबल प्रतियोगितामा नेपाल मंगलबार पाकिस्तानविरुद्ध उत्रँदै छ ।
खेल नेपाली समयअनुसार मंगलबार दिउँसो ३ः४५ बजे बैंग्लोरस्थित श्री कान्तिरवा रंगशालामा हुनेछ ।
समूह ‘ए’मा रहेको नेपाल कुवेत र आयोजक भारतसँग पराजित हुँदै प्रतियोगिताबाट बाहिरिइसकेको छ ।
नेपाल कुवेतसँग ३–१ तथा भारतसँग २–० ले पराजित भएपछि प्रतियोगिताबाट बाहिरिएको हो ।
यस समूहबाट भारत र कुवेत सेमिफाइनलमा पुगिसकेका छन् ।
यसर्थ, नेपाल आज फिफा वरीयतामा तल रहेको पाकिस्तानलाई हराउँदै प्रतियोगितामा सान्त्वना जित हात पार्न चाहन्छ । यद्यपि, बराबरीको नतिजा आए पनि नेपाल समूहको तेस्रो स्थानमा रहने भने पक्का छ ।
नेपालको फिफा वरीयता १७४ छ भने पाकिस्तानको १९५ मात्र छ ।
आजै हुने भारत र कुवेतबीचको खेलले समूह विजेताको टुंगो लाग्नेछ ।
प्रकाशित मिति: सोमबार, असार ११, २०८० १३:०१
प्रतिक्रिया दिनुहोस्
