काठमाडौँ– ललितपुर जिल्ला अदालतमा कार्यरत महिला कर्मचारीलाई हातपात गरेको आरोपमा एक कानुन व्यवसायी पक्राउ परेका छन् ।
अधिवक्ता (वकिल) अमिर लामिछाने पक्राउ परेका हुन् । उनलाई ललितपुर प्रहरी परिसरले आज पक्राउ गरेको हो ।
आफूलाई हात पात गरेको भन्दै नायब सुब्बा प्रेमिका तामाङले प्रहरीमा उजुरी दिएपछि अधिवक्ता लामिछाने पक्राउ परेका हुन् ।
मुद्दाको फाइल हेर्नेक्रममा विवाद हुँदा लामिछानेले आफूमाथि हातपात गरेको तामाङको दाबी छ । तामाङको मुखमा चोटसमेत देखिएको छ ।
प्रकाशित मिति: बिहीबार, असार १४, २०८० १२:५०
प्रतिक्रिया दिनुहोस्
